صهد الزمان
كتبهاابواب ، في 21 أكتوبر 2006 الساعة: 02:04 ص
صهد الزمان
صَهْـدْ الزْمَانْ .. وُعْـلىَ مَنْ تْـسَـمَّـى؟
صَهْـدْ الزْمَانْ .. وُالزْمَانْ غِيرْ كَـلْمَة
مَنْ الْقَهْرْ وُالْجُوعْ وُالْحِرْمَانْ تَطْلَعْ الْحَكْمَة.. !
1
مْحَرْ هَذْ الْزمَانْ مَغْلاَهْ
مْحَرْ هَذْ الْزمَانْ مَغْلاَهْ
مْحَرْ هَذْ الْزمَانْ مَغْلاَهْ
مْحَرْ هَذْ الْزمَانْ مَغْلاَهْ
لَغْلاَ مَاقـَدِّيتْ نْكـَابَـدْ
زَادُو فـ ضَـوُّو .. وُمَاه.ْ
2
وُانَا غِيرْ كـَنَتْلاوَطْ..
دِيمَا مَتْبُوعْ بـ زْراوَطْ
تَهْرُبْ ؟!.. آشْنُو بَاقِي
نَارِي كُلْشِي وُدَّاوْهْ،
عْلَى حْقَيْقِي طَالَعْ هَابَطْ
الْمَسْكِينْ فِينْ يَلْقىَ عْشَاهْ ؟ !
3
عَارِي عْلِيكْ يَارَاسَلْمَالْ
قُولِّي أَنَا بَشْحَالْ ؟!
عَارِي عْلِيكْ يَارَاسَلْمَالْ
قُولِّي أَنَا بَشْحَالْ ؟!
مَانَسْوَا فِيكْ رْيَالْ
وُرْيَالِي دِيمَا بْغَاوْهْ
4
الْجَفَافْ وُالْقـَرْضْ عَـيَّاوْنِي
بَيْعُونِي حْتَى هْدُومِي
الْجَفَافْ وُالْقـَرْضْ مَحْنُونِي
سَكْنُو لِي حْتَى فْـظْنُونِي
لَـفْـقـَرْ وُالْجُـوعْ كـَفـّْـرُونِـي
وُلَـكْـفُـر مَانَا مُولاَهْ.
5
" خْدَمْتْ وُرْدَمْتْ سْنِينْ"
قَرِّيْتْ بْنَاتْ وُبْنِينْ
تّْخَرْجُو يَااهْلِي معَطْلِينْ
طَابُو فْـ لُقْـنَاتْ بِـ الآهْ.
زَادُو قَهْرِي عْـلَى زْهَرْهُمْ
نَارِي كُونْ شَفْـتُو قْهَرْكَمْ.. عْلِيَّ وُعْلِيكُمْ سَمَّاوْه.ْ
6
زَادُو فْـ كُلْشِي غَلاَّوْهْ
الصَّهْدْ.. وُكُلْشِي حَمَّاوْهْ
زَادُو فْـ كُلْشِي غَلاَّوْهْ
الصَّهْدْ.. وُكُلْشِي حَمَّاوْهْ
الفقر كُلْ يُومْ يَتْواَلَدْ
وُالْحُلْمْ هَزُّوْهْ وُرْمَاوُهْ
7
صْبَرْتْ وُالصّْبرْ يَدْبَرْ
صْبَرْتْ عْلَى سُكْنَى قْبَرْ
صْبَرْتْ لَلشّْتَا وُالْحَرْ
وُالصْبَرْ أَنَا مُولاَهْ
" هَاذِي حَالَة مَاتْسُرْ"
وُالْمَرْضْ مَالْقِيتْ دْوَاهْ !
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
أكتوبر 21st, 2006 at 21 أكتوبر 2006 4:28 ص
بـوح اشبه بالحلم 00
بوح يذوب في عاطفتنا وفي وجداننا 00
مذهله هي كلماتك 00
كلماتك كم هي مذهله 00
تبقى لها ذكرى في تاريخ البوح
يبقى لها ذكري في تاريخ الود والورد 00
لوجودك ولحضورك عطـر يحتل جميع الزوايا 00
عطر مختلف كاختلاف
صوتك ؛ همسـك ؛ بـوحك ؛ وكيانك
مذهل اشعلت تلك الكلمات في ارواحنا 00
نثرت الحروف في مقلتينا 00
تعطرت دروبنا وارجائنا من عبير انفاسك 00
دام وصلك وتواصلك00
تحياتي
\
/
\
/
القلم الباكي